| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
|54r|
Magister Anselmus de cathanis de Aretio translatus est de provincia Sancti Dominici ad provinciam Romanam, et de conventu Sancte Marie ab Angelis de Ferraria ad conventum aretinum, ubi assignatus est et factus filius nativus; et conceditur sibi cella in dormitorio que dicitur "cella depicta", et quod possit tenere unum socium ad provi<d>endum sibi. xxix iunii 1474.
Idem magister Anselmus habet commissionem et plenariam licentiam predicandi in ordine et extra ordinem in quibuscumque provinciis et conventibus cum sociis suis, et de consensu patrum conventus posse recipere novitios, et ubi non fuisset conventus possit recipere ser??? et conscientiam suam. Item elemosinas recipere et dispensare in necessitatibus suis ad beneplacitum, et eligere confessorem qui se et socios suos plenarie absolvere possit totiens, et habuit specialem licentiam et mandatum in omnibus serviendi rev.mo cardinali ravennensi, et confirmationem literarum magistri Christofori de Viterbio provincialis romani, non obstantibus etc. xxix iunii.
Frater Augustinus Thomme de Florentia fuit confirmatus pater de consilio in conventu Sancte Marie Novelle sicut fuerat institutus a magistro Martiale. 30 iunii.
Magister Laurentius et frater Augustinus Thomme de Gherardinis de Florentia habuerunt licentiam confiteri quater in anno cum plenissima auctoritate rev.mi magistri, etiam super irregularitatibus et censuris, et posse uti dispensationibus in ieiuniis et cibis ordinis, equitando, pecuniis retinendis et lineis utendis et aliis huiusmodi, absque contradictione alicuius inferioris. xxx iunii.
Magister Laurentius prefatus habuit concessionem camere fratris Guidonis Michaelis de Florentia cum omnibus suppellectilibus et pertinentiis ad vitam suam, que camera est in dormitorio inferiori Sancte Marie Novelle iuxta cameram magistri Stephani Binincase, et cameram fratris Martini Pacini, quam ipse frater Guido reparavit; et eidem magistro Laurentio concessit et concedi petiit a rev.mo magistro, nullus inferior nullis obstantibus. 30 iunii.
Sorori Marie della Fioraia priorisse, sorori Albiere Noldi(?) Gherardini de Florentia, sorori Agneti de Risalitis et sorori Bartholomee de Quercetanis de Florentia, monialibus monasterii Sancti Dominici in Cafaggio de Florentia prope conventum Sancti Marci, fuit concessum quod quater in anno possint confiteri auctoritate rev.mi magistri, et uti dispensationibus in ieiuniis et cibis ordinis et lineis et pecuniis et aliis huiusmodi. 30 iunii.
Frater Nicolaus de Anania habuit licentiam confitendi bis in anno, et predicare et confessiones audire et facere elemosinas parentibus etc. iij iulii 1474.
Frater Carolus Dominici de Florentia fuit factus iubilarius, et assignatus in conventu maiori viterbiensi; cum hoc quod, si non haberet locum, remaneat conventualis in Minerva. 4 iulii.
Frater Paulus de Corneto habuit gratiam quod nullus possit sibi molestare socios suos, fratrem Vincentium conversum et Donatum de tertio habitu. vij iulii.
Frater Franciscus de Vetralla, baccalarius, et frater Benedictus de Camereno fuerunt assignati in conventu Sancti Spiritus de Sensis, et habuerunt licentiam ire ad conventum Campiregii et ad alia studia pro lectionibus et circulis, sine inferioris impedimento etc. viij iulii.
Magister Marianus de Roma habuit licentiam quod possit in conventu Minerve edificare unam cameram ubi voluerit, que sibi ex tunc concedit ad vitam suam; potest tenere socium et mutare, super quo habet auctoritatem prioris; potest recipere pecunias et elemosinas pro predicationibus et aliis, et exponere in usum suum et ??; potest quater in anno confiteri cum plenissima auctoritate rev.mi magistri. vij iulii.
Frater Ludovicus de Luca habuit preceptum sub pena privationis omnium gratiarum quibus ad studium promovetur ac sub pena excomunicationis quod infra sex dies a notitia literarum solvat magistro Iordani de Bergamo vel eius mandatario duc. tres. xiiij iulii.
|54v|
Frater Franciscus Iohannis de Carbugnano, alias de Vetralla, habuit licentiam morandi in conventu Sancte Marie in Gradibus vel Sancte Marie de Quercu, ubi voluerit(?), usque ad adventum magistri ad Viterbium, et fuit mandatum presidenti quod recipiat eum et tractet sicut ceteros fratres subveniendo ei etc. 16 iulii.
Frater Bartholomeus de Fulgineo tertii habitus de Penitentia sancti Dominici, qui in monte Magnanapoli in Urbe habitum recepit et professionem fecit, habuit licentiam ire quocumque vellet et morari ubicunque voluerit, salva semper homesta conversatione etc. vj(?, 21?) iulii.
Magister Laurentius Thomme de Gerardinis de Florentia fuit confimatus in priorem Sancte Marie Novelle de Florentia cum potestate eligendi confessorem, presentandi fratres pro audientia confessio(nis), exequendis ultimis voluntatibus, recipiendi ad habitum clericos et conversos, ac(?) etiam homines de Penitentia, quorum cura illi committitur, et cum omni alia auctoritate solite priori dari. xix iulii.
Magister Anselmus de catanis de Aretio habuit licentiam standi extra ordinem cum quibuscunque dominis et personis ecclesiasticis, et tenendi capellas ubi et quantum sibi placuerit, et tenere socium, et de bonis acquisitis potest disponere sine contradictione alicuius. 18 iulii.
Magister Anselmus predictus fuit assignatus in conventu Minerve, et habuit concessionem celle in qua habitabat frater Leonardus de Florentia ad beneplacitum suum, et assignatur in conventu cum socio suo. xviij iulii.
hucusque datum Rome.
Frater Bonifactius de Viterbio habuit licentiam stare com personis ecclesiasticis, sacramenta ministrare et officiare, et cum voluerit ad conventum redire suum, et ibi etiam possit conventualis sicut ceteri fratres; de fructibus et premio beneficiorum possit matrem et sororem sustentare. Nullus inferior molestet, nullis obstantibus etc. xxiij iulii, datum Viterbio [sic].
Frater Simon magistri Cecchi de Viterbio habuit licentiam remanendi a matutinis, ad quas non potest cogi; et insuper potest uti dispensationibus in ieiuniis et cibis ordinis, in portandis lineis et equitando et aliis huiusmodi, nullus molestet inferior, nullis obstantibus. Datum Viterbio die 23 iulii.
Frater Iacobus de Brilis Theutonicus, de conventu Sancti Marci de Florentia, habuit licentiam morandi cum quibuscumque personis nobilibus et aliis honestis ecclesiasticis vel secularibus, et in transitu pro necessariis acquirendis morandi in conventu etc. Et habet licentiam predicare, celebrare, officiare cappellas et ecclesias, confessiones audire, sacra ministrare, elemosinas recipere et in usum suum convertere, uti dispensationibus in ieiuniis, cibis, lineis equitando et huiusmodi; potest confiteri et absolvi auctoritate magistri a peccatis et ??? et dispensari in irregularitatibus totiens quotiens etc. Nullus potest inferior impedire, nullis obstantibus, nisi de presentibus fecerunt mentionem. Datum in Sancta Maria in Gradibus de Viterbio, 23 iulii.
Frater Iacobus de Brilis prefatus et frater Iohannes Florentii de Hollandia, conventus herlemensis provincie Saxonie, fuerunt assignati in conventu Sancte Marie de Quercu; et mandatum fuit priori ipsius conventus iuxta Viterbium quod recipiat et provideat eis in victu et vestitu et de cellis et necessariis sicut fratribus conventualibus; a quo non possint amoveri ab inferiori, nullis obstantibus etc. Datum Viterbio, 24 iulii.
■ conventus herlemensis = Haarlem
. Cf. L. Sturlese, Dokumente u. Forschungen zu Leben u. Werk Dietrichs v. Freiberg, Hamburg 1984, 181a.Frater Marcus ser Angeli de Viterbio habuit gratias iubilariorum, et in particulari de commedendo in cella et habere socium et mutare, et uti dispensationibus et licentiis in ieniuniis, cibis et huiusmodi; nullus inferior, nullis obstantibus etc. Viterbio, 25 iulii.
Frater Franciscus Iohannis de Carbugnano, alias de Vetralla, fuit assignatus in conventu Sancte Sabine in Urbe, et mandatum presidenti in meritum obedientie quod recipiat et superveniat ei in necessariis. Viterbio, 25 iulii.
|55r|
1474
Magister Antonius Leonardi de Viterbio habuit licentiam retinere elemosinas sibi datas pro suis necessitatibus; et concessa et confirmata est sibi cella sua, a qua non potest excludi; et cum est absens, potest concedere cui voluerit, et cum revertatur, sibi debet vacua liberaque restitui. Et potest uti dispensationibus in ieiuniis ordinis et cibis et huiusmodi; et cum urget necessitas, potest exire ad visitandum infirmos et personas de tertio habitu cum socio sibi grato. Nullus inferior, nullis obstantibus etc. Datum Viterbio, 25 iulii.
Frater Nicolaus Gabrielis de Luca et frater Paulus Lurentii de Ferrariis de Mediolano(?) fuerunt assignati in conventu Sancte Angnetis de Monte Policiano, et dicto fratri Nicolao fuit commissa cura dicti fratris Pauli ut eum moribus et scientia instruat. Viterbio, datum die xxv iulii.
Frater Petrus Dominicus de Phano, qui fecit professionem in conventu Sancte Marie in Gradibus de Viterbio, declaratur filius nativus dicti conventus ad instantiam patrum. Viterbio 25 iulii.
Presidenti conventus camerinensis fuit factum preceptum sub pena excomunicationis quod infra tres dies solvat fratri Antonio ??astino converso, de provincia Provincie, libr. xij, solid.[sic] iiijor, sicut per iudices fuit declaratum in ?a?o(?) romano. Datum Urbeveteri, die 27 iulii.
Frater Dominicus Petri Pauli de Urbeveteri habuit licentiam ire ad scolas grammatice in Urbeveteri cum uno socio, vel solus, ita quod in diebus festis et in duplicibus et supra, teneatur esse misse maiori, vesperis et completorio. Item fuit sibi concessa cella que fuit fratris Stephani de Perusio, quam sibi concesserunt prior et patres. Urbeveteri 26 iulii. Nullus inferior etc.
Frater Vincentius Iacobi de Urbeveteri habuit eandem licentiam ire ad scolas, et concessionem camere que est in dormitorio inferiori inter cameram magistri Alexii et cameram "sanctorum patrum". Nullus inferior impediat vel cameram auferat, nullis obstantibus etc. 27 iulii.
Frater Alexius de Roma, sindicus conventus viterbiensis, habuit licentiam remanendi ab officio propter occupationes exteriores et exire solus vel cum socio. Nullus inferior, nullis obstantibus etc. 26 iulii.
Frater Nicolaus Napoleonis de conventu pratensi habuit concessionem camere in dicto conventu quam olim habuit frater Franciscus de Prato, que est in capite scale sacristie; quam sibi concesserunt prior et patres conventus, que sibi non potest auferri quamdiu religiose vixerit. Nullis obstantibus. Datum in Urbeveteri die 27 iulii.
Frater Leonardus Petri del Testa de conventu urbevetano habuit confirmationem camere "sanctorum patrum", et orti qui est in loco ubi olim fuit aromataria, sibi concessorum a provinciali, priore et patribus dicti conventus urbevetani, et etiam ea uti quamdiu vixerit religiose. Et insuper comissa est sibi cura fratris Francischini de Cetona novitii cum erit professus. et eum instruat in moribus et scientia. Nullus inferior, nullis obstantibus etc. Datum Urbeveteri, 27 iulii.
Monasterio Sancte Margharite de Eugubio fuit licentia data quod possint recipere in monasterio consanguineas in secundo gradu, alias autem honestas mulieres, cum consensu priorisse et sanioris partis sororum; et quod possint eligere confessorem ordinis qui eas ab omnibus absolvat; et quod possint permutare possessiones in utilitatem monasterii, alias non. Datum Perusie, 2 augusti.
Frater Bartholomeus de Gais habuit licentiam standi in scolis Ysidori vel aliis scolis secularium, ubi Parisius propter pestem, guerras vel aliam iustam causam morari commode non posset; et in regno Francie et Burgundie atque aliis predicare, confessiones audire; et eligere confessorem qui eum absolvat ab omnibus casibus, etiam reservatis et censuris, et in irregularitatibus dispenset, dummodo huius pretextu enormia non committet; et sit sub obedientia illius prioris in cuius terminis morabitur, a quo possit puniri si delinquerit et coram eo conveniri. Datum Perusie, ij augusti.
|55v|
Magister Ludovicus de Viterbio, prior Sancte Marie in Gradibus iuxta Viterbium, habuit literas quibus in capitulo lectis est absolutus ab officio prioratus, et institutus vicarius usque ad electionem et confirmationem novi prioris. Perusie die 2 augusti 1474.
Magister Ludovicus predictus fuit assignatus in conventu Sancte Marie super Minervam et factus socius magistri Barnabe(?) procuratoris, ita quod potest morari in conventu prefato quamdiu ipsi procuratori et sibi visum fuerit. Item habet licentiam confitendi cum plena auctoritate magistri, dummodo sub spe huius concessionis non delinquat graviaque committat; et potest retinere elemosinas, et de bonis sibi concessis disponere infra personas ordinis. Perusie ut supra.
Frater Dominicus de Turreto habuit licentiam standi extra ordine<m> cum honestis personis ecclesiasticis vel secularibus, sub obedientia tamen ordinis; et audire confessiones et sacramenta ministrare et eligere confessorem ordinis qui eum absolvat ab omnibus et dispenset. Perusie ut supra.
Frater Lucateus Astolphi de Urbeveteri habuit licentiam morandi extra ordinem et officiare, et confiteri et absolvi ab omnibus auctoritate magistri, dummodo spe huius gratie enormia non commictat, et maneat sub obedientia provincialis in cuius terminis morabitur. Nullu inferior molestet. Perusie ut supra.
Priori et fratribus conventus Sancti Martini de Eugubio fuit factum preceptum sub pena excomunicationis late sententie quod nulli seculari commodent libros aut paramenta vel sacras vestes sacristie, excepto ill.mo comite Urbini, et quando fratres vadunt(?) ad festa confraternitatum aut ad ??? pro officio aliquo, quo casu pro suo usu poss(unt) portare. Perusie, iij augusti.
Frater Christoforus de Eugubio habuit confirmationem gratiarum iubilariorum concessarum sibi a magistro Martiale; quod nullus inferior, nullis obstantibus. ij augusti, Perusie.
Patribus et fratribus conventus eugubini fuit factum preceptum sub pena excomunicationis late sententie quod non vadant ad quevis monasteria monialium ad crates vel rotam sine licentia prioris expressa et causa exposita; et tunc simul loquantur ad crates ita quod unus socius audiat alium et videat, et legatur(?) hec litera fratribus in capitulo omni mense; et si quis contrafecerit, absolutio reservatur rev.mo magistro, nisi in mortis articulo. Perusie, die iij augusti. Nullus inferior, nullis obstantibus.
Frater Augustinus Landi de Cortonio habuit preceptum, sub pena excomunicationis late sententie, quod in tres dies a notificatione istarum solvat fratri Iohanni Miglorini de Prato libras quatuor monete florentine, si sibi eas debet, gravando conscientiam suam; alias procedetur ad ulteriora contra eum tanquam contra exomunicatum. Perusie, iij augusti.
Magister Simon Bertus de Florentia habuit confirmationem sui magisterii, et quod possit gaudere omnibus gratiis magistrorum in plena forma. ij augusti Perusie.
Magister Simon predictus habuit licentiam predicandi ubique, confessiones audiendi, sacramenta ministrandi, elemosinas recipiendi et dispensandi pro se et sociis, assumendi tres socios qui sint sub sua simplici cura; et potest confiteri et absolvi et dispensari ab omnibus auctoritate magistri, dummodo non sit proclivior ad peccandum; et possit predicare etiam extra conventus absque alterius impedimento. Nullis obstantibus. Datum Perusie, 3 augusti.
Frater Dominicus Clementis de Florentia fuit assignatus in conventualem et lectorem principalem conventus Sancte Marie de Quercu iuxta Viterbium; et potest recipere et retinere elemosinans de consensu prioris pro complendo cursu studii sui, absque inferioris impedimento. Datum Perusie, 3 augusti.